http://heidabeib.bloggar.is/

Mig vantar sjónvarp- láttu mig vita ef þú átt TVhanda mér, annað hvort ódýrt eða gefins . Elmar ætlar að rífa af mér sjónvarpið núna- helvítis kallinn. Hvað á ég þá að gera í vetur ef ég hef ekkert sjónvarp- Elmar þá fer ég bara að stunda barina og jammið á kvöldin, ert ekki ánægður með það ha ? En hvað þarf hann annars að gera við sjónvarp, á hann ekki að vera að læra öll kvöld, hefur ekki tíma til þessa að glápa á sjónvarp, og þess á milli hann að skralla svo ég sé enga glóru í þessu. Þið sjáið hvað ég hef mikla trú á honum og því að hann ætli að minnka skrall og rugl í vetur......

Nei nei segi svona ég redda mér þurfti bara að eins að tappa af smá reiði svona í tilefni dagsins

Rockstar í kvöld- veit nú ekki hvort ég meiki að vaka en kannski ég vakni bara þá og horfi á kallinn en annars er ágætt að sjá þetta bara á mið, endursýninguna og svo kostninguna. En geggjað að geta kosið svona á mið-morgun með smá fiffi.... en ég gerði það síðast og gat kosið alveg til 10 um morguninn minnir mig.

Áfram Magni "Okkar"........ hí hí

Já er það ekki alveg týpískt af okkur íslendingum að vera alveg að tapa okkur yfir þessu rockstar. Þetta er svona haust eurovision. Við höldum auðvitað með okkar manni alveg eins og við höldum með okkar lagi í eurovision, sama hver lélegt það er. En þetta er nú skárri tónlist verð ég að viðurkenna, meira segja mestu and-eurovisionar gera fylgst með rockstar og haldið lúkkinu, þannig þetta hlýtur að vera kúl......

En allavega ég bíð spennt eftir þri-kvöldinu og bíð ennþá spenntari eftir að vera boðin í rockstar vöku, hvernig er það er ekki nóg um það ? hvað segið þið, ekki ekki stemmari fyrir því ? Eða ætla kannski allir á players eða sólon eða eitthvað, kannski er meiri stemming að fara þangað en penpían ég nenni ekki að fara þangað sem er reykt, nenni ekki að koma útúrreykt heim og fara að sofa í nokkra tíma og mæta svo til vinnu nokkrum tímum seinna. En ég hef engar áhyggjur það verður eitthvað skemmtilegt gert.....

Já það sem er nýtt í fréttum hjá mér er að ég er að fara til Orlando núna í okt. Múttan verður 50 ára og við verðum  auðvitað að halda í hefðina (fórum neblilega til orlando þegar pabbi var 50 ára og ég 25 ára). Þannig ég fer ásamt hele familien til usa 20. okt og verð í 8 daga eða þannig það er svo skrýtið þegar maður er að fljúga svona á milli því í rauninni lendi ég hér 29. okt en legg af stað 28.okt. Það er ekkert skrýtið að maður sé alveg út úr korti þegar maður lendir hér kl 7 að morgni eftir 8 tíma flug og enn ekki farinn að sofa, allavega var ég um viku að jafna mig síðast.

Já það eru eflaust allir að velta því fyrir sér hver vinnur í Rockstar og allir sem eru með eitthvað vit í kollinum gera  sér grein fyrir að það verður ekki Magni okkar.

Kannski líka sem betur fer, ég meina 3 útbrunnir gamlir rokkarar, sem ja eru held ég ekki þekktir neitt sérstaklega fyrir tónlist sína. Jú jú Gilby og Jason eru þekkt nöfn en er það ekki bara vegna þess að þeir voru í þekktum hljómsveitum, veit ekki til þess að þeir séu neitt hátt skrifaðir sem tónlistarmenn. Og jú jú Tommy það vita allir fyrir hvað hann er frægur, að ja hafa verið með einu helsta kyntákni sögunnar og vera ja frekar frjálslyndur í tali sínu um allr sem tengist kynlífi.

En að mínu mati eru það Toby og Lukas

sem koma til greina og ég held að Toby sé að koma sterkari inn. Dilana greyjið er alveg orðin útbrunnin.

En hvað heldur þú lesandi góður..... endilega kommentaðu...

Ég vakti auðvitað glaseygð á úrslitin í rockstar í gærkvöldi. Geggjað að hann sé enn inni, ég átti svo von á að hann myndir þetta út, það er greinilegt að atkvæði vorra íslendinga eru að skipta máli. Þannig næsta vika verður ekkert smá spennó !!!

Pósturinn minn virkaði ekki þegar ég mætti í vinnuna í morgun, það var verið að uppfæra eitthvað og vá ég var alveg eyðilögð, ótrúlegt hvað maður getur verið háður þessu litla atriði. Það er ekki einu sinni eins og ég sé að fá eitthvað spennandi bara svona la la um hitt og þetta...

Hjólinu alræmda var ekki stolið, bróðir hans elmar tók það bara og naði ekki í mig til að láta mig vita. Er þetta ekki týpískt af strákum, þá er ég að tala um elmar að láta mig ekki vita, kannski er þetta bara kvenneðlið að hafa áhyggjur af öllu

Er að fara út að borða á Hornið í kvöld með stelpunum í vinnunni. Hef ekki farið þangað síðan ja man ekki hvenær, held á valentínusardaginn fyrir mörgun árum. Akkuru er maður ekki duglegri við að fara út að borða, nóg er um staðina í Reykjavíkinni og margir mjög góðir. Í útlöndum fer maður liggur við á hverju kvöldi og kippir sér ekkert við að borga um 2-3000 fyrir matinn. Er það ekki bara það sama og maður er að borga hér og meira að segja er maturinn miklu betri hér á klakanum, allavega miðað við á spáni (nema þó andarbringan mín á Las Jarras..mmmm slef slef...).En allavega þá ætla ég að fara samviskulaus og láta eftir mér að panta mér það sem mig langar í .

Það er víst landsleikur í kvöld; Ísland-Danmörk í fótbolta, já ég kemst ekki hjá því að vita þetta eins mikil fótboltabulla og ég er... nei nei en maður verður að vera með í umræðunum og gott að eiga vinkonu þá sem er vel inni í boltanum Annars get ég nú alveg horft á fótbolta... allavega svona 10 mín... og ekki er verra þegar þeir eru að rífa sig úr búningnum. Ég sá smá út leik um daginn (man ekki hvaða lið) en held það hafi verið í HM í sumar og þá voru þeir í hvítum spandex bolum og ég var alveg jú jú kannski ég ætti að horfa en þá fóru þeir í treyjur utan yfir, djö..... hvað á það að þýða svo ég nennti ekki að horfa á þetta og fór að gera e-ð annað. Semsagt er ég alger fótboltafan eins og má heyra en það er skrýtið því ég er alveg handboltabulla og missi varla af leik en kannski er ég bara heppinn því fótboltinn er svo tímafrekur.

jæja nóg í bili....

Þoli ekki að hafa skrifað helling en svo dettur það út...

En ég fór í bíó í gær- á Step up, hún var ágæt, svona unglingamynd en með sætum endi og sætum kroppi að dansa haba haba.

En svo kom ég heim og þá var hjólið hans elmar sem hann geymdi fyrir utan hjá mér farið , ég fékk vægt sjokk og reyndi að ná í elmar en hann ætlaði að koma í kvöld og ná í það og hjólagallan sem er inni hjá mér. En hjólið var læst fyrir utan og þar sem elmar er fluttur upp á bifröst og er líklega með lyklana af því þá finnst mér þetta svoldið skrýtið. En það kæmi mér ekki á óvart að hann hafi beðið bróðir sinn að ná í það en mér finnst það frekar skrýtið þar sem gallin er eftir heima, en það er samt elmari lýkt að láta mig ekkert vita af þessu. Ég er búin að vera að reyna að ná í hann í allan morgun og í gærkvöld en hann er ekki með kveikt á símanum, líklega er hann bara sofandi enn .

En elmar ef þú lest þetta drullastu þá á lappir og í skólan og hringdu eða sms á mig um þetta helvítis hjól, ég er að fá magasár yfir þessu helvíti.....

Hef nú ekki mikið að segja en verð þó að reyna eitthvað. Helgin var svona la la hjá mér, fór óvænt á djammið með fanney á fös. já við ákváðum að kíkja aðeins í bæinn þar sem við sátum báðar heima hjá okkur að gera ekki neitt. En jú leiðin lá niður á oliver (vá hvað maður er íhaldssamur) eftir smá trúnó hjá fanney Þar var mikið dansað og tjúttað og fanney náði að brjóta eitt stykki koníaksglas þegar hún var að sýna kúnstir á barnum (held að það sé búin að setja bann mynd af henni við dyrnar ). Og af einhverjum ástæðum þá var hún með nokkra sogbletti eftir kvöldið, kannast ekkert við það , En það var eitthvað í loftinu, hún byrjaði á að setja inn á mig klaka og auðvitað verð ég að borga fyrir mig . En við sem ætluðum bara aðeins og kíkja og vera komnar heim snemma náðum loks í leigubíl milli 4-5 og komum okkur heim. jú ágætt kvöld nema aðeins of mikið drukkið miðað við þynnkuna daginn eftir. En laugardagurinn var alger leti og held ég hafi sofnað um 10 leitið yfir sjónvarpinu. Hvað er með þetta sjónvarp um helgar það eru bara leiðinlegar myndir, en á virkum dögum er alveg hellingur af þáttum svo að maður getur ekki slitið sig frá imbanum.

Sunnudagur; vaknaði eldhress kl 9:30 og skellti mér í gymmið (ég veit alger dugnaður í minni) og kíkti svo á Elvu og Ísabellu litlu. En hún svaf bara eins og engill svo ég verð að kíkja aftur til að sjá hana vakandi.

Í morgun á leiðinni í vinnuna þá var ég að hlusta á útvarpið og þar var verið að gefa bíómiða, jú jú ég hringdi og viti menn fékk miða, ég sem vinn aldrei neitt. Svo ég er að fara í bíó í kvöld með Bryndísi á einhverja dans mynd, vissi ekki einu sinni hvaða mynd þetta væri þegar ég vann miðan, en maður afþakkar ekki fría bíóferð er það...

Já ég er komin heim heil á húfi- gleymdi reyndar ökuskírteininu mínu í bílaleigubílnum og Bryndís líka Nettar ljóskur stundum.

Já innilega til hamingju Elva og Egill með litlu dísina, Ísabellu Sól, ætla að kíkja á hana núna um helgina.

Ja eg er nu a netkaffi a spani. Vid Bryndis vorum ad koma ur vatnsrennibrautagardinum og thad var svaka stud hja okkur. Erum nu i sma pasu og forum svo a strondina a eftir til ad na sma lit En annars er allt gott ad fretta, letilif og buin ad versla sma eda eiginlega allt of mikid en eg a thad skilid En jaeja hef ekki mikid af segja meira, Elmar vona ad thu sert ad hugsa vel um kisuna mina, eg sakan hennar svoldid mikid

Jaeja adios amigos

Já ég skrifaði heilan hellin í gær en það hefur víst bara gufað upp eða eitthvað því það er ekki lengurtil staðar.

Já mín fer til spánar á morgun og er nú loks held ég búin að leysa vandann með köttinn, já hver hefði trúað að einu lítlu dýri gæti fylgt annar eins vandi. en ég er búin að dobla Signý til að vera eitthvað, elmar eitthvað og svo þarf ég aðeins að díla við afa um að sjá um hana í 2-3 daga . Það mætti halda að ég væri með lítið barna eða eitthvað, því ég vill ekki að hún sé alein heima í 2 vikur, ég vill að einhver sé hjá henni til að halda smá félagskap I know it´s only a cat, en hún er svo mikil dúlla og ég vill ekki að hún verði geðveik þegar ég kem til baka. En elmar var feginn að geta losnað úr þessari kompu sem hann býr í og vera heima en hann er að fara í veiði og  eitthvað og þar kom vandamálið- svo í heildina er þetta allt elmari að kenna (alltaf auðveldast að kenna honum um... hann á það skilið).

En ég er að fara út að borða með Signý (já hún kom óvænt á klakann um helgina), Unni bryndísi og Guðný í kvöld. Smá svona get together  því hún verður svo farinn áður en ég kem heim og líklega verður Unnur líka búin að eiga .Svo þarf ég að skunda heim og henda smá í tösku (ekki mikið ég sver ). Svo ætlar elmar að keyra mig út á völl í fyrramálið, svoldið að misnota vinagreiðana hjá honum en hann verður í fríi næstu 2 vikurnar frá þeim svo ég er ekkert með samviskubit

Jæja ég blogga kannski að utan ef ég nenni, það eru einhver netkaffi þarna sem ég get kíkt á ef ég verð ekki of upptekin í sólbaðinu

Geggjað fyndin símaat:

http://www.ilovewavs.com/comedy/PrankPhone/PrankPhone.htm

http://www.b2.is/?sida=tengill&id=181638

Hér er allt heitasta slúðrið og raunveruleikaþættirnir

Þessa dagana standa yfir gay pride dagar aí reykjavíkinni eins og ég held að flestir muni taka eftir. Á morgun er gangan og ætli maður kíkji ekki með stelpunum eins og við höfum gert síðustu ár. Það er oft rosa gaman- hellingur af fólki og mikið stuð á öllum. En það er eitthvað við þessa daga sem ég held að strákar hræðast, allavega man ég ekki eftir að elmar hafi viljað fara með mér síðustu ár, og ég held að bryndís og unnur hafi líka farið einar. Það er eins og þeir forðist þetta, halda kannski að einhver homminn ráðist á þá eða að þeir fari að finna fyrir skrýtnum kenndum, nei segi svona en yfirhöfuð þá eru gagnkynhneigðir strákar með mikla fóbíu fyrir hommum og öllu hommatali, þetta er mjög skrýtið. Við stelpur erum ekki svona hræddar við lessur þó maður sé ekkert hrifinn af því að lenda í þvi að lessa reyni við mann en við erum ekki með svona fóbíu. Og það er líka mikill misskilningur hjá strákum að allar stelpur séu til í að vera með annari stelpu, þetta er bara fantasía sem ég held að meiri hlutinn ef ekki allir strákar eru með.

En nóg um það við bryndís og unnur, ( veit ekki með guðný) erum að fara út að borða í kvöld, held ég á B5 því þar er reyklaust og unnur er  komin ansi langt á leið og ekki það besta að vera innan um reyk. Auk þess sem þar er góður matur og góðir drykkir ekki það að ég sé að fara að drekka því ég ætla að nota helgina í að safna upp kröftum. Er búin að vera svo ógeðslega þreytt upp á síðkastið að ég ætla að slappa hressilega af. Þarf þó að vinna en það er nú samt í lagi.

En það ætlar þú að gera um helgina ?????